ye wahm jaane mere dil se kyun nikal nahin raha
ki us ka bhi meri tarah se ji sambhal nahin raha
koi waraq dikha jo ashk-e-KHun se tar-ba-tar na ho
koi ghazal dikha jahan wo dagh jal nahin raha
main ek hijr-e-be-murad jhelta hun raat din
jo aise sabr ki tarah hai jis ka phal nahin raha
to ab mere tamam ranj mustaqil rahenge kya?
to kya tumhaari KHamushi ka koi hal nahin raha?
kaDi masafaton ne kis ke panw shal nahin kiye?
koi dikhao jo bichhaD ke hath mal nahin raha
Ghazal
Ye wahm jaane mere dil se kyun nikal nahin raha
Jawad Sheikh