ye teri uThti jawani ye chhanw taron ki
ye bhini bhini mahak ye naya shabab tera
tere huzur mein meri har aarzu nakaam
meri nazar mein har andaz kaamyab tera
teri nazar mein meri har nigah gustaKHi
mere KHayal mein pur-kaif har itab tera
ye narm narm tabassum ye garm garm nigah
miTa na de kahin sail ko ye jawab tera
tujhe KHabar bhi hai o shoKH kya qayamat hai
sharab-o-sher mein Duba hua shabab tera
Ghazal
Ye teri uThti jawani ye chhanw taron ki
Kaukab Shahjahanpuri