ye sarabon ki shararat bhi na ho to kya ho
aankh mein hairat o wahshat bhi na ho to kya ho
hum ki us hijr ke sahra mein paDe hain kab se
KHema-e-KHwab-e-rafaqat bhi na ho to kya ho
shukr kar hujra-e-tanhai mein baiThe hue shaKHs
KHud se milne ki ye mohlat bhi na ho to kya ho
main wo mahrum-e-zamana ki kabhi sochta hun
sans lene ki suhulat bhi na ho to kya ho
sochta hun main sar-e-dasht uData hua dhul
teri yaadon ki inayat bhi na ho to kya ho
Ghazal
Ye sarabon ki shararat bhi na ho to kya ho
Sajjad Baluch