ye main hun tujh mein ab ya mujh mein tu hai
ye kaun ab aaine mein ru-ba-ru hai
ye dil hai aur hai tera tasawwur
zaban hai aur teri guftugu hai
unhin ka hai ye dil bhi aarzu bhi
na dil mera na meri aarzu hai
raha karta hun kuchh khoya hua sa
KHuda jaane mujhe kya justuju hai
hua hun main fana-fil-ishq 'bismil'
na ab dil hai na dil ki aarzu hai
Ghazal
Ye main hun tujh mein ab ya mujh mein tu hai
Bismil Saeedi