ye mayusi kahin wajh-e-sukun-e-dil na ban jae
gham-e-be-hasili hi ishq ka hasil na ban jae
madad ai jazb-e-dil rah-e-mohabbat saKHt mushkil hai
KHayal-e-duri-e-manzil kahin manzil na ban jae
nahin hai dil to kya pahlu mein halki si KHalish to hai
ye halki si KHalish hi rafta rafta dil na ban jae
hujum-e-shauq aur rah-e-mohabbat ki bala-KHezi
kahin pahla qadam hi aaKHiri manzil na ban jae
Ghazal
Ye mayusi kahin wajh-e-sukun-e-dil na ban jae
Chiragh Hasan Hasrat