ye kaun aaya shabistan ke KHwab pahne hue
sitare oDhe hue mahtab pahne hue
tamam jism ki uryaniyan thin aankhon mein
wo meri ruh mein utra hijab pahne hue
mujhe kahin koi chashma nazar nahin aaya
hazar dasht paDe the sarab pahne hue
qadam qadam pe thakan saz-baz karti hai
sisak raha hun safar ka azab pahne hue
magar sabaat nahin be-sabil raston mein
ki panw so gae 'saqi' rikab pahne hue
Ghazal
Ye kaun aaya shabistan ke KHwab pahne hue
Saqi Faruqi