ye hijraton ke tamashe, ye qarz rishton ke
main KHud ko joDte rahne mein TuT jata hun
meri ana mujhe har bar rok leti hai
bas ek baat hai kahne mein TuT jata hun
zamin ka karb, lahu, dard, gardish-e-paiham
ek izhdiham hai, sahne mein TuT jata hun
main ek nadi hun meri zat ek samundar hai
main apni KHak pe bahne mein TuT jata hun
Ghazal
Ye hijraton ke tamashe, ye qarz rishton ke
Moid Rashidi