ye gard-e-rah ye mahaul ye dhuan jaise
hawa ke ruKH pe ho tahrir dastan jaise
hamara rabt-o-talluq hai chand shamon ka
shajar pe tair-e-mausam ka aashiyan jaise
ajib KHauf sa hai pattharon ki zad par hun
badan ho apna koi kanch ka makan jaise
ye aasman-o-zamin ka tilism kab TuTe
har ek wajud muallaq ho darmiyan jaise
lab-o-dahan se koi kaam hi nahin leta
har ek baat hai na-qabil-e-bayan jaise
Ghazal
Ye gard-e-rah ye mahaul ye dhuan jaise
Farooq muztar