ye dil aawezi-e-hayat na ho
agar aahang-e-hadsat na ho
teri naraazgi qubul magar
ye bhi kya bhul kar bhi baat na ho
zist mein wo ghaDi na aae ki jab
hat mein mere tera hat na ho
hansne wale rula na auron ko
subh teri kisi ki raat na ho
ishq bhi kaam ki hai chiz agar
yahi bas dil ki kaenat na ho
kaun us ki jafa ki lae tab
gahe gahe jo iltifat na ho
rind kuchh kar rahe hain sargoshi
zikr-e-'mulla' se KHush-sifat na ho
Ghazal
Ye dil aawezi-e-hayat na ho
Anand Narayan Mulla