yahan se chalenge wahan se chalenge
kahoge to sare-jahan se chalenge
kaman se chale hain na jo tir ab tak
wahi tir teri zaban se chalenge
achanak hi jin ko Thaharna paDa hai
mere panw ke wo nishan se chalenge
jinhen shauq-e-mansab-o-inam hai wo
jhuka kar nazar be-zaban se chalenge
miTa denge hasti-o-basti tumhaari
wo nale jo dard-e-nihan se chalenge
Ghazal
Yahan se chalenge wahan se chalenge
Habeeb Kaifi