yaron ki hum se dil-shikani ho sake kahan
yan pas hai na KHatir-e-aghyar toDiye
hum jaur-e-chashm-e-yar se dam marte nahin
yani rawa hai kab dil-e-bimar toDiye
yan dard-e-sar KHumar se hai wan dukan band
Takra ke sar ko ab dar-e-KHummar toDiye
Takraun wan jo sar to wo kahta hai kya mujhe
sahab na mujh gharib ki diwar toDiye
dam toDna hai furqat-e-jaanan mein apna kaam
kuchh kohkan nahin hain jo kohsar toDiye
'nasiKH' ba-qaul-e-afsah-e-hindostan kabhi
zahid ka dil na KHana-e-KHummar toDiye
Ghazal
Yaron ki humse dil-shikani ho sake kahan
Imam Bakhsh Nasikh