yar ko be-hijab dekha hun
main samajhta hun KHwab dekha hun
ye ajab hai ki din kun tariki
raat kun aaftab dekha hun
nusKHa-e-husn mein tere qad kun
misra-e-intiKHab dekha hun
kis sati ab ummid-e-lutf rakhun
tujh nigah sin itab dekha hun
ab hua sab sin farigh-ut-tahsil
be-KHudi ki kitab dekha hun
lashkar-e-ishq jab sin aaya hai
mulk-e-dil kun KHarab dekha hun
majlis-e-chashm-e-mast saqi mein
daur-e-jam-e-sharab dekha hun
ai 'siraj' aatish-e-mohabbat mein
dil kun apne kabab dekha hun
Ghazal
Yar ko be-hijab dekha hun
Siraj Aurangabadi