اردو हिंदी
Yaad mazi ke charaghon ko bujhaya na karo | Shaahi Shayari
yaad mazi ke charaghon ko bujhaya na karo

Ghazal

Yaad mazi ke charaghon ko bujhaya na karo

Hameed Almas

;

yaad mazi ke charaghon ko bujhaya na karo
tum bhi tanha na raho mujh ko bhi tanha na karo

nafas-e-baad-e-saba hath na aaega kabhi
gul ki uDti hui KHushbu ka ahata na karo

hum ne dekha hai dam-e-aKHir-e-shab KHwab koi
tum se kahna hai ki tabir ka charcha na karo

kuchh na kuchh hoga mere KHak uDane ka sabab
jaane walo mujhe aawaza-e-sahra na karo

yun na mahsus ho aflak-nashin hai koi
is qadar dur se to mujh ko pukara na karo