yaad-e-firaq-e-yar tera shukriya bahut
kal raat dil mein dard hamare uTha bahut
kal raat tere gham ne lagai thi phir sabil
kal raat hum ne zahr-e-halahal piya bahut
muddat ke baad phir se mulaqat ho gai
hum ko udas dekh ke roya kiya bahut
shayad nasim tera badan chhu ke aai thi
apni sahar mein rang-e-qayamat raha bahut
'ajmal' na aap sa bhi koi saKHt-jaan mila
dekhen hain hum ne yun to sitam-ashna bahut
Ghazal
Yaad-e-firaq-e-yar tera shukriya bahut
Ajmal Ajmali