wo rang uDe hain kuchh ab ke baras bahaaron ke
ki dil mein naqsh ubharte hain barf-zaron ke
ye dasht-e-dil ye ba-har-su ghubar-e-tanhai
kahan gae wo chaman ajnabi ishaaron ke
ulajh gae hain kisi mauj-e-iztirab mein phir
wo KHwab rang mein Dube hue kinaron ke
chalo ki us se koi saf saf baat karen
ki ab to khul hi gae bhed istiaron ke
na jaane aaKHir-e-shab kis ke dil pe choT paDi
ki Dub Dub gae jaise dil sitaron ke
firaqe-e-gul mein kaTi zindagi KHizaon ki
suragh-e-gul mein luTe qafile bahaaron ke
Ghazal
Wo rang uDe hain kuchh ab ke baras bahaaron ke
Aslam Ansari