wo pagal sab ke aage ro chuka hai
kisi ka dukh koi kab banTta hai
hazaron bar mujh se mil chuka hai
zarurat ho tabhi pahchanta hai
kabhi to mulk ka malik kahenge
kabhi ek ardali bhi DanTta hai
ye ghar hai apni marzi ji raha hai
pata hai raat sari jagta hai
wo pyare dil mein aa kar bas gae hai
jo un ko bha gaya wo dewta hai
Ghazal
Wo pagal sab ke aage ro chuka hai
Pratap Somvanshi