wo mauj-e-KHunuk shahr-e-sharar tak nahin aai
dariyaon ki KHushbu mere ghar tak nahin aai
sannaTe sajae gae gul-danon mein ghar ghar
khoe hue phulon ki KHabar tak nahin aai
hum ahl-e-junun par utar jaenge lekin
kashti abhi sahil se bhanwar tak nahin aai
sad-shukr tera raushni-e-taba ki hum ko
barbaad kiya aur nazar tak nahin aai
Ghazal
Wo mauj-e-KHunuk shahr-e-sharar tak nahin aai
Fuzail Jafri