wo mad pyale lunDhate hi rahe bas
hamein be-KHud banate hi rahe bas
ujalon se andhera chhaT na paya
ujale jagmagate hi rahe bas
na sath ab tak kisi ka de sake aah
ye rahbar rah dikhate hi rahe bas
kisi tira-muqaddar ke na kaam aae
sitare jhilmilate hi rahe bas
na kar pae tuyur-e-shauq parwaz
paron ko phaDphaDate hi rahe bas
wo kashanon ko KHak aabaad karte
jo kashane miTate hi rahe bas
'jamal' aisa muqaddar ne kiya gharq
tadabbur tilmilate hi rahe bas
Ghazal
Wo mad pyale lunDhate hi rahe bas
Harbans Lal Aneja u0027jamaalu0027