wo jin ki chhanw mein pale baDe hue
idhar udhar paDe hain sab kaTe hue
hazimaton ke karb ki alamaten
charagh taq taq hain bujhe hue
tamam tir dushmanon se ja mile
kaman-dar kya karen DaTe hue
visal-rut mein hijr ki hikayaten
udas kar gai hain dil khule hue
gharon ki raunaqen wahi jo thin kabhi
magar bhula diye gae gae hue
tani tani si gardanen jhuki hui
dua ko hath hain sabhi uThe hue
Ghazal
Wo jin ki chhanw mein pale baDe hue
Shafiq Saleemi