wo jang main ne mahaz-e-ana pe haari hai
lahu mein aaj qayamat ki barf-bari hai
macha hua hai badan mein lahu ka wawaila
kahin se koi kumak lao zahr kari hai
ye dil hai ya kisi aafat-rasida shahr ki raat
ki jitna shor tha utna sukut tari hai
sadaqaten hain ajab ishq ke qabile ki!
usi se jang bhi Thahri hai jis se yari hai
wo sath tha to sabhi raste usi ke the
bichhaD gaya hai to har rahguzar hamari hai
Ghazal
Wo jang maine mahaz-e-ana pe haari hai
Razi Akhtar Shauq