wo itr-e-KHak ab kahan pani ki bas mein
hum ne badal liya hai piyala gilas mein
kal raat aasman mera mehman raha
kya jaane kya kashish thi mere iltimas mein
mamnun hun main apni ghazal ka ye dekhiye
kya kaam kar gai mere gham ke nikas mein
main qaid-e-haft-rang se aazad ho gaya
kal shab naqab laga ke makan-e-hawas mein
phir ye fasad-e-firqa-o-maslak hai kis liye
tu aur main to ek hain apni asas mein
Ghazal
Wo itr-e-KHak ab kahan pani ki bas mein
Aftab Iqbal Shamim