wo ghazal ki kitab hai pyare
us ko paDhna sawab hai pyare
wo kabhi narm chandni si lage
aur kabhi aaftab hai pyare
umr kachchi hai ishq kya jaane
KHamushi bhi jawab hai pyare
apne hathon pilae KHushbu tu
sada pani sharab hai pyare
us ko paDhna to chum kar paDhna
wo KHuda ki kitab hai pyare
us ko dekho libas mat dekho
wo pahaDi gulab hai pyare
hans ke jine ka tum hunar sikho
zindagi la-jawab hai pyare
wo jo aata hai shab Dhale 'anzar'
tera sachcha wo KHwab hai pyare
Ghazal
Wo ghazal ki kitab hai pyare
Ateeq Anzar