wo ehtiyat ka aalam pas-e-sawal koi
bacha hai raat ke hamle se baal baal koi
dikhai deti hai pahle to raushni ghar ki
nafi mein sar ko hilata hai phir KHayal koi
dhaDak raha hai duaon ki raunaqen le kar
mere wajud-e-gurezan mein la-zawal koi
milenge KHwab bhi didar karne walon mein
paDa hai peD ki chhanw mein paemal koi
Ghazal
Wo ehtiyat ka aalam pas-e-sawal koi
Javed Nasir