wo aks-e-KHwab hai paikar nahin hai
shuur-e-zat se bahar nahin hai
agarche aasman sar par nahin hai
zamin bhi to mera bistar nahin hai
faza masmum hoti ja rahi hai
meri KHatir mera hi ghar nahin hai
ufuq ke rang hain chehre pe us ke
shikast-e-KHwab ka manzar nahin hai
faqat main hun tere madd-e-muqabil
mere pichhe mera lashkar nahin hai
Ghazal
Wo aks-e-KHwab hai paikar nahin hai
Khalid Jamal