wo abr saya-fagan tha jo rahmaton ki tarah
kise KHabar thi nawazega bijliyon ki tarah
us inqalab ki dastak sunai deti hai
jo bastiyon ko miTa dega zalzalon ki tarah
mila hai wo to laga hai janam janam ka rafiq
bichhaD gaya tha jo bachpan ke sathiyon ki tarah
meri hai pyas jo sahra-ba-lab, sharar-ba-zaban
tumhaari aankh hai gahre samundaron ki tarah
main us ke qurb ki KHushbu se ban gaya hun gulab
wo mere pas chahakti hai bulbulon ki tarah
sitam-zarif jajon ne hai 'saif' jhuThlaya
hamare KHun ko jhuTi shahadaton ki tarah
Ghazal
Wo abr saya-fagan tha jo rahmaton ki tarah
Saif Ali