wasl ke marhale se hijr ki manzil ki taraf
ishq mein baDh rahe hain aaKHiri mushkil ki taraf
lakh samjhata hun main us ko magar hote hi sham
ek hasrat chali aati hai mere dil ki taraf
be-niyazana teri or chale to the par ab
ghaur se dekhte hain hasrat-e-hail ki taraf
shahr ka shahr hai aashob ki zad mein so yahan
kis ko fursat hai ki dekhe haq-o-baatil ki taraf
Ghazal
Wasl ke marhale se hijr ki manzil ki taraf
Rahul Jha