wasl bhi hijr tha visal na tha
mil rahe the magar KHayal na tha
mil rahe the ki donon tanha the
guftugu mein bhi qil-o-qal na tha
mere aur us ke darmiyan abhi
koi bhi silsila bahaal na tha
raste KHatm ho chuke the magar
wapsi ka koi sawal na tha
ye bhi ek marhala tamam hua
ho gae the juda malal na tha
wo tera husn ho ki ishq mera
koi paband-e-mah-o-sal na tha
Ghazal
Wasl bhi hijr tha visal na tha
Yashab Tamanna