waqt-e-ruKHsat mujhe qadmon mein machal jaane do
ye tamanna to mere dil ki nikal jaane do
ahd-o-paiman tumhaare na badalne paen
sari duniya jo badalti hai badal jaane do
lab-kushai ki ijazat jo nahin hai na sahi
meri palkon se mere ashk to Dhal jaane do
apne aangan ki KHunuk chhanw mubarak ho tumhein
mujh ko sahra ki kaDi dhup mein jal jaane do
Ghazal
Waqt-e-ruKHsat mujhe qadmon mein machal jaane do
Nuzhat Nigar