wahshat-e-dil ka ajab rang nazar aata hai
arsa-e-hashr mujhe tang nazar aata hai
donon jaanib hai barabar teri taswir ka ruKH
aaina meri tarah dang nazar aata hai
kuchh to sayyaad ne kuchh baad-e-saba ne luTa
aashiyane ka ajab rang nazar aata hai
sulh-jui ki tamanna mein shab-o-roz 'aziz'
yak jahan muztarib-e-jang nazar aata hai
Ghazal
Wahshat-e-dil ka ajab rang nazar aata hai
Aziz Hyderabadi