wahi main hun wahi KHali makan hai
mere kamre mein pura aasman hai
dayar-e-KHwab o chashm-e-dil-figaran
jazira nind ka kyun darmiyan hai
sukut-e-marg tari har shajar par
ye kaisa mausam-e-tegh-o-sinan hai
chaman afsurda gul murjha gae hain
KHizan ki zad pe sara gulsitan hai
bhula di aap ne bhi wo kahani
mohabbat jis ke dam se jawedan hai
Ghazal
Wahi main hun wahi Khaali makan hai
Farooq Nazki