wahi be-baki-e-ushshaq hai darkar ab bhi
hai wahi silsila-e-atash-o-gulzar ab bhi
ab bhi maujud hai wo baiat-e-fasiq ka sawal
aur matlub hai wo jurat-e-inkar ab bhi
hain kahan ishq mein ghar-bar luTane wale
KHu-e-isar se maghlub hain ansar ab bhi
koi yusuf to zamana kare paida 'ajmal'
nazar aa sakti hai wo garmi-e-bazar ab bhi
Ghazal
Wahi be-baki-e-ushshaq hai darkar ab bhi
Ajmal Siraj