Wan se ghar aa ke kahan sona tha

wan se ghar aa ke kahan sona tha
subh tak yaad thi aur rona tha

jab hui subh to bistar se phir uTh
girya-e-KHuni se munh dhona tha

dho chuke munh ko to kisht-e-dil mein
tuKHm gham ka hamein phir bauna tha

bo chuke tuKHm to paya ye samar
ki jigar-Kawi thi ji khona tha

ji ke khone ke ho darpai ye kaha
ki nasibon mein yahi hona tha

hona qismat ka kahen kya ta-sham
hum the aur ghar ka bas ek kona tha

kone lag baiThe to 'jurat' ai wae!
phir wahi raat thi aur rona tha