uThain hijr ki shab dil ne aafaten kya kya
umid-e-wasl mein jhelin musibaten kya kya
wahi hai jam wahi mai wahi subu lekin
badal gai hain zamane ki niyyaten kya kya
dabi zaban se karte hain ghair dar-parda
tumhaare munh pe tumhaari shikayaten kya kya
sitam mein lutf, jafa mein ada nigah mein naz
itab mein bhi hain pinhan inayaten kya kya
karun main un ki shikayat 'aziz' jhuT ghalat
gaDhi hain dil se raqibon ne tohmaten kya kya
Ghazal
UThain hijr ki shab dil ne aafaten kya kya
Aziz Hyderabadi