use na milne ki socha hai yun saza denge
har ek jism pe chehra wahi laga denge
hamare shahr mein shaklen hain be-shumar magar
tere hi nam se har ek ko sada denge
hum aaftab ko ThanDa na kar sake ai zamin
ab apne sae ki chadar tujhe oDha denge
bhulae baiThe hain jis ko hum ek muddat se
gar us ne puchh liya to jawab kya denge
badan samet agar wo kabhi jo aa jae
badan ko us ke badan apna ba-KHuda denge
Ghazal
Use na milne ki socha hai yun saza denge
Shamim Abbas