us sham ko jab ruTh ke mein ghar se chala tha
ek saya bhi bichhDe hue manzar se chala tha
ab aasman hathon mein hai pairwi mein zamin hai
main be sar-o-saman tere dar se chala tha
be-bas use kar degi hawaon ki siyasat
baadal ka wo TukDa jo samundar se chala tha
dene laga aakash ke darwazon pe dastak
insan ka wo daur jo patthar se chala tha
us shaKHs ki shohrat ko na paimana banao
khoTa tha wo sikka jo muqaddar se chala tha
Ghazal
Us sham ko jab ruTh ke mein ghar se chala tha
Zameer Kazmi