us se rishta hai abhi tak mera
wo ilaqa hai abhi tak mera
kis tawaqqo ne jagaya tha mujhe
KHwab taza hai abhi tak mera
kya bataun main lab-e-dariya se
kuchh taqaza hai abhi tak mera
kahin yak dasht hawa chamakti thi
shahr andha hai abhi tak mera
ek zara KHud ko sameTun to chalun
kaam phaila hai abhi tak mera
wahi sahra hai wahi ranj-e-safar
wahi qissa hai abhi tak mera
Ghazal
Us se rishta hai abhi tak mera
Ahmad Mahfuz