us ne aawara-mizaji ko naya moD diya
pa-ba-zanjir kiya aur mujhe chhoD diya
us ne aanchal se nikali meri gum-gashta bayaz
aur chupke se mohabbat ka waraq moD diya
jaane wale ne hamesha ki judai de kar
dil ko aankhon mein dhaDakne ke liye chhoD diya
hum ko malum tha anjam-e-mohabbat hum ne
aaKHiri harf se pahle hi qalam toD diya
Ghazal
Usne aawara-mizaji ko naya moD diya
Javed Saba