us ka gham apni talab chhin ke le jaega
dard ban kar meri rag rag mein utar aaega
regzaron se pare khench raha hai koi
jaane kas dasht mein dariya mujhe bhaTkaega
bhul jaunga main jab apni nawaon ki kasak
us ki aankhon mein lahu mera utar aaega
koi patthar ka nishan rakh ke juda hon hum tum
jaane ye peD kis aandhi mein ukhaD jaega
Ghazal
Us ka gham apni talab chhin ke le jaega
Alimullah Hali