un se kahin mile hain to hum yun kabhi mile
ek ajnabi se jaise koi ajnabi mile
dekha to lauh-e-dil pe tere nam ke siwa
jalte hue nishan-e-sitam aur bhi mile
kuchh dur aao maut ke hamrah bhi chalen
mumkin hai raste mein kahin zindagi mile
honTon ki mai-nazar ke taqaze badan ki aanch
ab kya zarur hai ki wahi raat bhi mile
Ghazal
Un se kahin mile hain to hum yun kabhi mile
Khurshid Ahmad Jami