un ke ghar aana nahin jaana nahin
muddaten guzrin wo yarana nahin
naza mein wo ye tasalli de gae
maut bhi aae to ghabrana nahin
kya rahega ishq mein sabit-qadam
dasht koi ghair ne chhana nahin
be-bulae jaun us mahfil mein kyun
galiyan nahaq mujhe khana nahin
main wahi hun jis ko kahte the 'rashid'
tum ne ab tak mujh ko pahchana nahin
Ghazal
Un ke ghar aana nahin jaana nahin
Rasheed Rampuri