ummid-war-e-lutf nahin hain kisi se hum
mayus is liye bhi nahin zindagi se hum
un ki jafaen sah na sake KHush-dili se hum
kya sulh kar sakenge gham-e-zindagi se hum
hain mast aur be-KHud-o-sarshaar aaj tak
ek roz kya mile the kisi ajnabi se hum
wo ab hamare pahlu mein baiThe hue hain 'dard'
Dar ye hai mar na jaen kahin is KHushi se hum
Ghazal
Ummid-war-e-lutf nahin hain kisi se hum
Naresh Kumar Dard