ufuq ke aaKHiri manzar mein jagmagaun main
hisar-e-zat se niklun to KHud ko paun main
zamir o zehn mein ek sard jang jari hai
kise shikast dun aur kis pe fath paun main
tasawwuraat ke aangan mein chand utra hai
rawish rawish teri chahat se jagmagaun main
zamin ki fikr mein sadiyan guzar gain 'ajmal'
kahan se koi KHabar aasman ki laun main
Ghazal
Ufuq ke aaKHiri manzar mein jagmagaun main
Kabir Ajmal