udasi ke manzar makanon mein hain
andhere abhi aashiyanon mein hain
mohabbat ko mausam ne aawaz di
dilon ki patangen uDanon mein hain
zaban wale bhi kash samjhen kabhi
wo dukh dard jo be-zabanon mein hain
parindon ki parwaz qaem rahe
kai KHwab shamil uDanon mein hain
kahan manzilen gum pata hi nahin
nigahen magar aasmanon mein hain
gharon mein hain mahrumiyon ke nishan
ki ab raunaqen bas dukanon mein hain
Ghazal
Udasi ke manzar makanon mein hain
Devmani pandey