TuTe taKHte par samundar par karne aae the

TuTe taKHte par samundar par karne aae the
ham-safar tufan-e-gham se pyar karne aae the

Dar ke jangal ki faza se pichhe pichhe ho liye
log chhup kar qafile par war karne aae the

is gunah par mil rahi hai sang-sari ki sazi
pattharon ko nind se bedar karne aae the

log samjhe apni sachchai ki KHatir jaan di
warna hum to jurm ka iqrar karne aae the

wo bhi karb-e-KHud-bayani mein 'zafar' ghaltan mila
jis se apni zat ka izhaar karne aae the