TuTa hai purana sada pul lafzon ka
ab rishta hai duniya se faqat aankhon ka
wo bhul gae hain to ajab kya is mein
tha khel ye to guzre hue lamhon ka
ek lamhe mein sab KHatm hai mazi ho ki haal
yaadon ka KHazana tha bahut barson ka
sab log hamein ek nazar aate hain
andaza nahin hota hai ab chehron ka
'mamun' hain baaten hawa ka jhonka
hum ko to bharosa hi nahin baaton ka
Ghazal
TuTa hai purana sada pul lafzon ka
Khaleel Mamoon