tu jo paDa phirta hai aaj kahin kal kahin
ai dil-e-KHana-KHarab tujh ko bhi hai kal kahin
chah bhi kya chiz hai sujhta phir kuchh nahin
gar wo hua ek zara aankhon se ojhal kahin
dil ne to hairan kiya rose kahe hai yahi
raat kaTi uTh miyan subh hui chal kahin
jata hun jab us ke pas kahta hai wo ai 'hawas'
aage tu mere na aa samne se Tal kahin
Ghazal
Tu jo paDa phirta hai aaj kahin kal kahin
Mirza Mohammad Taqi Hawas