اردو हिंदी
Tu dariya hai aur Thaharne wala main | Shaahi Shayari
tu dariya hai aur Thaharne wala main

Ghazal

Tu dariya hai aur Thaharne wala main

Saleem Muhiuddin

;

tu dariya hai aur Thaharne wala main
gum hai mujh mein KHud se guzarne wala main

suraj jaisa manzar manzar bikhra tu
aainon ki dhup se Darne wala main

teri gali se sar ko jhukae guzra hun
kabhi zamin par panw na dharne wala main

saya saya dhup ugane wala tu
KHwabon jaisa aankh utarne wala main

jis basti mein sham utarne wali ho
us basti ke nam se Darne wala main

kisi waraq par mujhe na likhna dost mere
andar bahar roz bikharne wala main