tumhein jab kabhi milen fursaten mere dil se bojh utar do
main bahut dinon se udas hun mujhe koi sham udhaar do
mujhe apne rup ki dhup do ki chamak saken mere KHal-o-KHad
mujhe apne rang mein rang do mere sare rang utar do
kisi aur ko mere haal se na gharaz hai koi na wasta
main bikhar gaya hun sameT lo main bigaD gaya hun sanwar do
Ghazal
Tumhein jab kabhi milen fursaten mere dil se bojh utar do
Aitbar Sajid