tumhaari shart-e-mohabbat kabhi wafa na hui
ye kya hui tumhin kah do agar jafa na hui
qadam qadam pe qadam laDkhaDae jate the
tamam umr bhi tai manzil-e-wafa na hui
tumhin kaho tumhein na-ashna kahen na kahen
ki aashna se ada rasm-e-ashna na hui
teri ada ki qasam hai teri ada ke siwa
pasand aur kisi ki hamein ada na hui
hamin ko dekh ke KHanjar nikalte the aap
hamare baad to ye rasm phir ada na hui
KHuda ne rakh liya naz o niyaz ka parda
ki roz-e-hashr meri un ki barmala na hui
Ghazal
Tumhaari shart-e-mohabbat kabhi wafa na hui
Mubarak Azimabadi