tumhaare jism ki KHushbu gulon se aati hai
KHabar tumhaari bhi ab dusron se aati hai
hamin akele nahin jagte hain raaton mein
use bhi nind baDi mushkilon se aati hai
hamari aankhon ko maila to kar diya hai magar
mohabbaton mein chamak aansuon se aati hai
isi liye to andhere hasin lagte hain
ki raat mil ke tere gesuon se aati hai
ye kis maqam pe pahuncha diya mohabbat ne
ki teri yaad bhi ab koshishon se aati hai
Ghazal
Tumhaare jism ki KHushbu gulon se aati hai
Munawwar Rana